Pathfinder Fair
Ia i le Atua lona Viiga ma lona A'ao Ta'ita'i e molimoli atu ai le fa'atalofa i le mamalu o Kalapu Su'eala uma lava o Ia tatou Misiona Samoa ma Tokelau; Talofa, Talofa lava. E ui lava ina a'afia le amataga o Ia tatou galuega i a'afiaga o le fa'ama'i ae o A'ao Alofa o le Atua tatou toe feiloa'i.
E molimoli atu le faafetai i le lagolagosua a outou i susuga i fa'afeagaiga ma faletua, aemaise o le mamalu o le ekalesia e tusa ai ma lo outou lagolago i le matagaluega ma lo outou sao taua i lenei foi vaega o le galuega a le Atua.
E iai le talitonuga o lo o manuia mea uma i le faamalosi mai o keriso ia i tatou. Ua filifilia la tatou autu e fa'a-autuina ai la tatou Fair o lenei tausaga 2022, "SHARE IN THE FAMILY" - FA'ASOA I LE AIGA
O lenei faamoemoe ina ia le gata ose aso fiafia mo mafutaga a Kalapu Sueala uma ae ose avanoa taua tele mo le fa'asoaina o tomai agavaa ma taleni a le tama ma le teine Sueala mai totonu lava o lona siosiomaga i aiga aua o le fa'avae lea o le manuia o Ekalesia
E iai foi le manatu maualuga o le a avea lea aso o se aso e toe faamanatu ai le tama ma le teine o le Kalapu Sueala le taua o lona faasinomaga o lona Aiga aua a soifua fiafia ma faifai-mea faatasi i le aiga e le fesiligia i le ekalesia
O le mea lea tatou te faatauaina ai le aso faagaioiga uma lava o la tatou Fair e auga uma i le autu e pei ona filifilia. O le mea lea ou te tatalo atu ai i Kalapu Sueala uma lava ina ia aua nei galo, o lea aso e taua mo tatou Kalapu Sueala, ina ia auai ma galulue faatasi, ma faamalosia i latou ina ia fai ma taitai lelei ola ai ia Keriso, ao le sili o na mea uma ia fiafia e fai mea uma mo Iesu
Tau ina ia iai le filemu o le Atua ao tatou tapena e fai le mea sili mo ia
Soifua ma ia Manuia
Pr. Tino OKESENE
Contents:-
-Marching and Drills
-10 True Bible Promises
-Memory Verse Relay
-Crafting
-First Aid
The Family Basket